Թուրքիան 11 ամսում իր հարևան երկրներ 25,3 միլիարդ դոլարի արտահանում է իրականացրել

Թուրքիան այս տարվա հունվար-նոյեմբեր ժամանակահատվածում իր հարևան երկրներից՝ Ադրբեջան, Բուլղարիա, Վրաստան, Իրան, Իրաք, Սիրիա և Հունաստան 25,3 միլիարդ դոլարի արտահանում է կատարել, որը նախորդ տարվա նույն ժամանակահատվածի համեմատ 3,4 տոկոսով ավել է։

Թուրքական «Անադոլու» գործակալությունը, վկայակոչելով Թուրքիայի առևտրի նախարարության տվյալները, հայտնում է, որ Թուրքիան ամենաշատ արտահանումն իրականացրել է Իրաք՝ մոտ 9,3 միլիարդ դոլարի։ Իրաքին հաջորդել են Բուլղարիան՝ 4,2 միլիարդ դոլար, Հունաստանը՝ 3,2 միլիարդ դոլար, և Վրաստանը՝ 2,3 միլիարդ դոլար։

Արտահանվող արտադրանքների ցուցակում առաջին տեղում քիմիկան նյութերն են (3.941 միլիարդ 321 հազար դոլար), որին հաջորդել են հացահատիկային մշակաբույսերը, լոբազգիները, յուղատու մշակաբույսերը»՝ 2.87 միլիարդ 581 հազար դոլարով և ապա կահույքը, թուղթը և անտառային արտադրանքը՝ 2.198 միլիարդ 293 հազար դոլարով։

Նշենք, որ Թուրքիայի և Հայաստանի միջև ցամաքային ուղիղ և պաշտոնական առևտուր չկա, ինչի պատճառով Հայաստանը չի ընդգրկվել տվյալների մեջ։