ԱՄՆ նախագահ Դոնալդ Թրամփը խոսել է Գազայում տեղակայվելիք «Խաղաղության խորհրդի» կազմի մասին։ Նա նշել է, որ այդ կազմը կկառավարի Գազայի հատվածը և առավել մանրամասն այդ մասին կհայտարարվի 2026 թվականի սկզբին։
Նրա խոսքով՝ այդ մարմինը, որի նախագահն, ինչպես սպասվում է, կլինի հենց Թրամփը, կդառնա «լեգենդար խորհուրդ»: Խորհրդի կազմում կլինեն մի շարք երկրների ղեկավարներ:
«Հիմնականում դրանք կլինեն ամենակարևոր պետությունների ղեկավարները: Նրանք բոլորը ցանկանում են լինել խորհրդի կազմում», – հավելել է ԱՄՆ-ի ղեկավարը:
Հոկտեմբերի 9-ին Իսրայելը և պաղեստինյան ՀԱՄԱՍ շարժումը՝ Եգիպտոսի, Կատարի, ԱՄՆ-ի և Թուրքիայի միջնորդությամբ, համաձայնության եկան իրականացնել Թրամփի կողմից ներկայացված խաղաղության ծրագրի առաջին փուլը։
Հետևեք մեզ տելեգրամում
