Վրաստանի խորհրդարանի խոսնակ Շալվա Պապուաշվիլին անդրադարձել է Ռուսաստանի հետ հարաբերությունների կարգավորման թեմային։
«Մենք նշել ենք, թե որոնք են Վրաստանի և Ռուսաստանի միջև հարաբերությունների վերականգնման նախադրյալները։ Իհարկե, այդ հարաբերությունները կվերականգնվեն, եթե Ռուսաստանի Դաշնությունը ճանաչի Վրաստանի տարածքային ամբողջականությունը. սա է կարգավորման ուղին։ Ռուսաստանի Դաշնությունը և իշխանությունները լավ գիտեն հարաբերությունների կարգավորման նախադրյալների մասին։ Իհարկե, մենք աջակցում ենք կարգավորմանը, և դրա համար նախապայման է Վրաստանի տարածքային ամբողջականության ճանաչումը», – հայտարարել է Պապուաշվիլին։
Նշենք, որ ՌԴ ԱԳՆ ԱՊՀ երկրների 4-րդ դեպարտամենտի տնօրեն Միխայիլ Կալուգինը հայտարարել էր, որ Մոսկվան լրջորեն է տրամադրված Վրաստանի հետ հարաբերությունների կարգավորման հարցում, եթե այն չդառնա «արժույթ» Ռուսաստանի դեմ խաղերում։
Հետևեք մեզ տելեգրամում
