Ծեծկռտուք Թուրքիայի ազգային ժողովում (Տեսանյութ)

Թուրքիայի խորհրդարանում 2026-ի պետական բյուջեի նախագծի քվեարկությունից առաջ պատգամավորների միջև ծագած լարվածությունը վերածվել է ծեծկռտուքի։

Վեճը սկսվել է իշխող «Արդարություն և զարգացում» կուսակցության (ԱԶԿ-AKP) պատգամավոր Մուստաֆա Վարանքի և գլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ-CHP) խմբակցության ղեկավարի տեղակալ Մուստաֆա Էմիրի միջև։ Ծեծկռտուքին ընթացքում միացել են նաև այլ պատգամավորներ։

Մոտ 10 րոպե տևած միջադեպից հետո նիստը շարունակվել է։ 2026-ի պետական բյուջեի նախագիծն ընդունվել է ձայների մեծամասնությամբ։ Քվեարկությանը մասնակցել է 569 պատգամավոր, որոնցից 320-ը կողմ են քվեարկել, իսկ 249-ը՝ դեմ։

Ermenihaber.am