Դեկտեմբերի 22-ին ՌԴ նախագահ Վլադիմիր Պուտինը կհանդիպի Նիկոլ Փաշինյանի հետ։ Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը։
Հիշեցնենք, որ նախօրեին Նիկոլ Փաշինյանն աշխատանքային այցով ժամանել էր Ռուսաստանի Դաշնություն, մասնակցել Եվրասիական տնտեսական բարձրագույն խորհրդի նիստին: Իսկ այսօր կկայանա ԱՊՀ ղեկավարների ոչ պաշտոնական հանդիպումը։Պեսկովը հայտնել է, որ գագաթնաժողովի ընթացքում կքննարկվեն արդիական հարցեր։
«Գագաթնաժողովն ինքնին շատ գործնական օրակարգ ունի։ Պետությունների ղեկավարները կշարունակեն իրենց շփումը ոչ պաշտոնական նախաճաշի ընթացքում», – նշել է նա։
Հետևեք մեզ տելեգրամում
