Իրանի նախագահ Մասուդ Փեզեշքիանը Ամանորի և Սուրբ Ծննդյան նախօրեին հանդիպել է 1980-1988 թվականների իրանա-իրաքյան պատերազմում զոհված իրանահայ Ռազմիկ Խաչատուրյանի ընտանիքին:
Հանդիպման ընթացքում Փեզեշքիանը հարգանքի տուրք է մատուցել նահատակի հիշատակին և ընդգծել Իրանի տարբեր ազգությունների ու կրոնական փոքրամասնությունների դերը երկրի անկախության և տարածքային ամբողջականության պաշտպանության գործում։ Նա նշել է, որ քրիստոնյա նահատակների զոհաբերությունը ազգային միասնության և համերաշխության վառ օրինակ է։
Հանդիպմանը ներկա է եղել նաև Իրանի խորհրդարանում հայ պատգամավոր Արա Շահվերդյանը։
Հետևեք մեզ տելեգրամում
