Իսրայելի պետական Kan ռադիոընկերությունը հայտնել է, որ Իսրայելը ստացել է ԱՄՆ-ի աջակցությունը՝ Լիբանանում նոր ռազմական գործողություն սկսելու համար։
Աղբյուրի փոխանցմամբ՝ Իսրայելի վարչապետ Բենյամին Նեթանյահուն Իսրայելի կառավարության անդամներին տեղեկացրել է, որ ինքը ԱՄՆ նախագահ Դոնալդ Թրամփից կանաչ լույս է ստացել նման գործողություն անցկացնելու համար։ Դրա նպատակն է զինաթափել շիական «Հեզբոլլահ» կազմակերպության ռազմական ստորաբաժանումները։
Իսրայելի անվտանգության կառույցի բարձրաստիճան պաշտոնյան Kan-ին ասել է, որ ԱՄՆ-ն տեղեկացված է, որ եթե «Հեզբոլլահը» չզինաթափվի, Իսրայելը մտադիր է դա անել ինքնուրույն, նույնիսկ եթե դա հանգեցնի հյուսիսային Իսրայելում մարտերի վերսկսման և մի քանի օր տևող բախումների։
Լիբանանում անօրինական զինված խմբավորումների զինաթափման ծրագրի համաձայն, որը հաստատվել է կառավարության կողմից 2025 թվականի սեպտեմբերի 5-ին, երրորդ և չորրորդ փուլերում բոլոր խմբավորումները, այդ թվում՝ շիական «Հեզբոլլահ» շարժումը, պետք է իրենց զենքերը հանձնեն Լիբանանի իշխանություններին։
Հետևեք մեզ տելեգրամում
