ԱՄՆ նախագահ Դոնալդ Թրամփը կարծում է, որ վաղաժամ է ենթադրություններ անել այն մասին, թե արդյոք Իրանի վերջին շահի՝ Ռեզա Փահլավիի ավագ որդին կարող է աջակցություն ստանալ Իսլամական Հանրապետությունում։
«Նա շատ հաճելի է թվում, բայց չգիտեմ, թե ինչպես կվարվի իր սեփական երկրում», – չորեքշաբթի օրը Reuters-ին տված հարցազրույցում ասել է ամերիկացի առաջնորդը՝ խոսելով Փահլավիի մասին։
«Եվ մենք իրականում դեռ այդ փուլում չենք։ Մենք շատ բաներ ենք ուսումնասիրում։ Բայց դեռ վաղ է ասելու համար։ Չգիտեմ, թե ինչպես է նա լեզու գտնում իր երկրի հետ։ Ես չգիտեմ, թե արդյոք նրա երկիրը կընդունի նրան ղեկավար պաշտոնում, թե ոչ, բայց եթե դա անեն, ես դեմ չեմ լինի դրան», – ընդգծել է Սպիտակ տան ղեկավարը։
Քննարկելով Իրանում իշխանափոխության հնարավորությունը, նա նշել է, որ «ցանկացած ռեժիմ կարող է ընկնել»։
«Անկախ նրանից, թե այն կընկնի, թե ոչ, դա հետաքրքիր ժամանակ է լինելու», – հավելել է Թրամփը։
Հետևեք մեզ տելեգրամում
