Կանանց միջազգային օրվա նախաշեմին RWB-ի հետազոտական կենտրոնի մասնագետները ուսումնասիրություն են իրականացրել՝ պարզելու, թե ինչպես են Հայաստանում վերաբերվում այս տոնին, ում են առավել հաճախ նվերներ մատուցում և որ ապրանքային կատեգորիաներն են ամենապահանջվածը։
Հետազոտության արդյունքները ցույց են տալիս, որ մարտի 8-ը շարունակում է մնալ երկրի ամենանշանակալի և ամենասիրելի տոներից մեկը։ Հարցված գնորդների 83%-ը նշել է, որ իրենց շրջապատում ընդունված է նշել կանանց միջազգային օրը, իսկ 84%-ը նախատեսում է այն նշել նաև այս տարի։
Ուշադրության և երախտագիտության տոն
Հայաստանի բնակիչների համար մարտի 8-ը նախևառաջ կապված է մտերիմների նկատմամբ ուշադրություն և հոգատարություն ցուցաբերելու հետ։
Տոնի հիմնական ասոցիացիաներից հարցվողները նշել են՝
- ծաղիկներ և նվերներ մտերիմներին — 51%
- կանացիություն, հոգատարություն և հարգանք կանանց նկատմամբ — 48%
- ուրախություն և դրական զգացումներ — 38%
Հետաքրքիր է, որ Հայաստանում այս տոնը ավելի հազվադեպ է ասոցացվում գարնան սկզբի հետ, քան ԱՊՀ որոշ այլ երկրներում։ Ավելի հաճախ այն ընկալվում է որպես կանանց նկատմամբ երախտագիտություն և ուշադրություն արտահայտելու օր։
Ու՞մ են նվերներ տալիս
Հայաստանի բնակիչների մեծ մասը նախատեսում է շնորհավորել իր մտերիմներին։
Տղամարդկանց շրջանում 76%-ը պատրաստվում է նվերներ մատուցել՝ առավել հաճախ՝
- մայրիկին — 78%
- կնոջը կամ սիրելիին — 77%
- քույրերին — 38%
Կանայք նույնպես ակտիվորեն շնորհավորում են իրենց հարազատներին․ հարցմանը մասնակցած կին գնորդների 83% նախատեսում են նվերներ գնել՝ առավել հաճախ շնորհավորելով
- մայրիկին — 84%
- դուստրերին — 47%
- քույրերին — 47%
Որքա՞ն են պատրաստ ծախսել
Հետազոտության տվյալներով՝ գնորդների 55%-ը պատրաստ է նվերների համար ծախսել 10 000-ից մինչև 30 000 դրամ, իսկ ծախսերի միջին գումարը կազմում է մոտ 10 000 դրամ։
Ի՞նչ նվերներ են ընտրում
Հայաստանում Կանանց միջազգային օրվա համար ամենապահանջված նվերների կատեգորիաներն են՝
- ծաղիկներ — 51%
- հագուստ, կոշիկ և աքսեսուարներ — 40%
- կոսմետիկ միջոցներ — 35%
- տան համար ապրանքներ — 34%
- օծանելիք — 31%
Միաժամանակ կանայք ամենից հաճախ կցանկանային ստանալ՝
- ծաղիկներ — 47%
- օծանելիք — 44%
- հագուստ և աքսեսուարներ — 40%
- զարդեր և ժամացույցներ — 35%
- կոսմետիկ միջոցներ — 34%
Wildberries-ի մեկնաբանությունը
Ամփոփելով հետազոտության արդյունքները՝ Հայաստանում Wildberries-ի տարածաշրջանային տնօրեն Դավիթ Միրզոյանը շնորհավորել է կանանց տոնական ամսվա մեկնարկի առթիվ։
«Այս օրերին մենք նույնպես ցանկանում ենք մեր ներդրումն ունենալ տոնական տրամադրություն ստեղծելու գործում։ Wildberries-ի բրենդավորված ավտոմեքենան շրջելու է մայրաքաղաքի փողոցներով և կանանց ծաղիկներ է նվիրելու», — նշել է նա։
Wildberries-ի հետազոտության տվյալներով՝ Միջազգային կանանց օրը Հայաստանում շարունակում է մնալ կարևոր ավանդույթ, որը միավորում է ուշադրությունը, երախտագիտությունը և ջերմ շնորհավորանքները՝ ուղղված սիրելի կանանց։
Հետևեք մեզ տելեգրամում
