Red Wings ավիաընկերությունը սկսել է Երևան–Օրենբուրգ–Երևան երթուղով նոր չվերթների իրականացումը։
Թռիչքներն իրականացվելու են ռուսական արտադրության SSJ–100 ինքնաթիռներով՝ շաբաթական մեկ անգամ՝ ամառային սեզոնի ընթացքում։ Առաջին չվերթը նախատեսվում է հունիսի 4-ին։ Ավիաընկերությունն արդեն սկսել է նոր ուղղությամբ ավիատոմսերի վաճառքը։
«Նոր երթուղու բացումը Օրենբուրգի և տարածաշրջանի հարևան քաղաքների բնակիչներին հնարավորություն կտա ավելի հարմար պլանավորել ուղևորություններ դեպի աշխարհի հնագույն քաղաքներից (Երևան–խմբ.) մեկը, որը գտնվում է Արարատի ստորոտին»,– ասված է ավիաընկերությունից։
Օրենբուրգից մեկնումը իրականացվելու է հինգշաբթի օրերին՝ ժամը 11:10-ին, իսկ Երևանից հետադարձ չվերթը նախատեսվում է ժամը 14:05-ին։ Թռիչքի տևողությունը կազմելու է 3 ժամ 5 րոպե։
Ներկայումս Red Wings-ը թռիչքներ է իրականացնում Սոչիից, Միներալնիե Վոդիից, Սամարայից, Նիժնի Նովգորոդից, Կազանից և Չելյաբինսկից դեպի Երևան։
Հետևեք մեզ տելեգրամում
