Ընթացիկ տարվա առաջին երեք ամիսներին Հայաստան է այցելել 453.138 զբոսաշրջիկ․ այս ցուցանիշը 18.2 տոկոսով ավելի է նախորդ տարվա նույն ժամանակահատվածի ցուցանիշից։
Այս մասին «Ֆեյսբուք»-ի իր էջում տեսանյութ է հրապարակոլ Հայաստանի էկոնոմիկայի նախարար Գևորգ Պապոյանը։ Պապոյանը նշել է, որ զբոսաշրջության ոլորտում Հայաստանը շատ լավ արդյունքներ է գրանցել։
«Մասնավորապես, այս տարվա երեք ամիսներին Հայաստան է եկել 453.138 զբոսաշրջիկ։ Սա 18.2 տոկոսով կամ ավելի քան 70. 000 զբոսաշրջիկով ավելի է, քան նախորդ տարվա նույն ժամանակահատվածի ցուցանիշը»,-մանրամասնել է Էկոնոմիկայի նախարարը։
Գևորգ Պապոյանը մատնանշել է, որ սա Հայաստանի զբոսաշրջային վիճակագրության պատմության մեջ ռեկորդային ցուցանիշ է։
Հետևեք մեզ տելեգրամում
