Իրանի գերագույն հոգևոր առաջնորդ այաթոլա Ալի Խամենին մայիսի 23-ին նշվող Ուրազա Բայրամի առթիվ ներում կամ պատժի մեղմացում է շնորհել հազարավոր բանտարկյալների։
Այս որոշումը տարածվում է ավելի վաղ իրանական դատարանների կողմից ազատազրկման դատապարտված 3․721 բանտարկյալի վրա։
Ուրազա Բայրամի առթիվ համաներման առաջարկով հանդես էր եկել Իրանի դատական իշխանության ղեկավար Իբրահիմ Ռաիսին։ Համաներման իրավական հիմքը Իրանի Իսլամական Հանրապետության գործող սահմանադրության 110-րդ հոդվածն է, որը թույլ է տալիս համաներում կամ պատժի մեղմացում սահմանել դատական իշխանության ղեկավարի առաջարկով։
Ուրազա Բայրամը մուսուլմանական կարևորագույն տոներից մեկն է, որ համընկնում է իսլամական շավալ ամսվա առաջին օրվան և խորհրդանշում է սրբազան ռամադան ամսվա ավարտը։
Հետևեք մեզ տելեգրամում
