ԵՄ-ն ներկայացնում է նոր հավելված՝ սոցիալական ցանցերի տարիքային վերահսկման համար

Եվրոպական մի շարք երկրներ արգելքներ են սահմանում 15 տարեկանից փոքր երեխաներին սոցիալական ցանցեր մուտք գործելու համար։ Ֆրանսիան արդեն ընդունել է այդ արգելքը, Դանիան քաղաքական համաձայնություն ունի, Իսպանիան քննարկում է 16 տարեկանից փոքր երեխաների համար ավելի խիստ շեմ սահմանելու հարցը, իսկ Հունաստանը պատրաստվում է 2027-ից կիրառել սեփական արգելքը։

Euronews-ի փոխանցմամբ՝ Եվրոպական հանձնաժողովի նախագահ Ուրսուլա ֆոն դեր Լեյենը հայտնել է, որ ԵՄ-ի կողմից ստեղծված տարիքի ստուգման հավելվածն արդեն պատրաս է թողարկման։ Հավելվածը պահանջում է, որ օգտատերերը հաստատեն իրենց տարիքը պաշտոնական փաստաթղթերով կամ թվային նույնականացման քարտերով։ Այնուհետև, եթե տարիքի համապատասխանություն կա այն տրամադրում է հաստատում և թույլ է տալիս մուտք գործել TikTok, Instagram, Facebook և Snapchat։