«Լրագրողներ առանց սահմանների» կազմակերպությունը հրապարակել է 2026-ի մամուլի ազատության վերաբերյալ զեկույցը։ Ըստ մամուլի ազատության ինդեքսի՝ մամուլի ազատությունն ամբողջ աշխարհում նվազել է՝ հասնելով վերջին 25 տարվա ամենացածր մակարդակին։ Նշվում է, որ աշխարհի երկրների ավելի քան 50-ը դասակարգվում է որպես մամուլի ազատության առումով «դժվար» կամ «լուրջ/շատ լուրջ» իրավիճակում գտնվող երկրների շարքում։
Հայաստանը հետընթաց է գրանցել՝ 180 երկրի շարքում զբաղեցնելով 50-րդ հորիզոնականը՝ ի տարբերություն նախորդ տարվա 34-րդ հորիզոնականի։
Նշվել է, որ «չնայած Հայաստանն ունի բազմազան մեդիադաշտ, այն բևեռացված է և Հայաստանում ապատեղեկատվության և ատելության խոսքի մակարդակն աննախադեպ է ու պայմանավորված է «ներքաղաքական լարվածությամբ, երկրի սահմաններին անվտանգության խնդիրներով և Ռուսաստանի ու Եվրամիության հետ Հայաստանի բարց հարաբերություններով։
Նույն տարվա զեկույցի համաձայն՝ հարևան երկրներից Թուրքիան 180 երկրների ցանկում զբաղեցրել է 163-րդ տեղը։ զեկույցում նշվում է, որ լրագրողների վրա ճնշումները շարունակվում են։ Նշենք, որ Թուրքիան նախորդ տարի 159-րդ տեղում էր։
Հետևեք մեզ տելեգրամում
