Իրանական «Tasnim» լրատվական գործակալությունը, հղում անելով ռազմական աղբյուրին, հաղորդել է, որ ԱՄՆ-ն Հորմուզի նեղուցում հարձակվել է բեռնատար երկու նավի վրա: Հարձակման հետևանքով զոհվել է առնվազն հինգ մարդ։
Գործակալության տվյալներով՝ քաղաքացիական բեռներ տեղափոխող նավերը Օմանի Հասաբ նավահանգստից ուղևորվում էին դեպի Իրանի ափ։
Հիշեցնենք, որ Պարսից ծոցում իրավիճակը լարվել է այն բանից հետո, երբ ԱՄՆ նախագահ Դոնալդ Թրամփը հայտնել է «Ազատություն» նախագծի մեկնարկի մասին: Ծրագրի հայտարարված նպատակը Հորմուզի նեղուցով նավերի անցումն ապահովելն է: Այն ենթադրում է, որ ամերիկյան ռազմական ուժերը (կործանիչներ, ուղղաթիռներ և ռազմանավեր) անմիջականորեն պաշտպանում և ուղեկցում են այն նավերին, որոնք ցանկանում են անցնել արգելափակված ջրային ուղով: Իրանի ԶՈւ-ն առևտրային նավերին չգուշացրել է չօգտվել ամերիկյան առաջարկից՝ շեշտելով, որ ամերիկյան ուժերը հարձակման կենթարկվեն նեղուց մուտք գործելու փորձի դեպքում։
Հետևեք մեզ տելեգրամում
