ԱՄՆ նախագահ Դոնալդ Թրամփը հայտարարել է Հորմուզի նեղուցում նավերի ուղեկցման «Ազատություն» (Project Freedom) ռազմական գործողության ժամանակավոր դադարեցման մասին: Այս մասին նա գրառում է կատարել Truth Social հարթակում՝ նշելով, որ քայլն արվում է Պակիստանի և այլ երկրների խնդրանքով, ինչպես նաև հաշվի առնելով Իրանի ներկայացուցիչների հետ բանակցություններում արձանագրված «մեծ առաջընթացը»։
Թրամփի խոսքով՝ կողմերը փոխադարձ համաձայնության են եկել կարճ ժամանակով դադարեցնել նավերի տեղաշարժի ապահովման գործողությունը, որպեսզի հնարավոր լինի ստորագրել վերջնական փաստաթուղթը։ Միաժամանակ, նախագահն ընդգծել է, որ Իրանի նկատմամբ ծովային շրջափակումը մնում է ուժի մեջ։
Հիշեցնենք, որ ավելի վաղ ԱՄՆ նախագահ Դոնալդ Թրամփը հայտնել էր «Ազատություն» նախագծի մեկնարկի մասին, որի հայտարարված նպատակը Հորմուզի նեղուցով նավերի անցումն ապահովելն էր: Այն ենթադրում էր, որ ամերիկյան ռազմական ուժերը (կործանիչներ, ուղղաթիռներ և ռազմանավեր) անմիջականորեն պաշտպանում և ուղեկցում են այն նավերին, որոնք ցանկանում են անցնել արգելափակված ջրային ուղով: Իրանի ԶՈւ-ն առևտրային նավերին չգուշացրել էր չօգտվել ամերիկյան առաջարկից՝ շեշտելով, որ ամերիկյան ուժերը հարձակման կենթարկվեն նեղուց մուտք գործելու փորձի դեպքում։
Հետևեք մեզ տելեգրամում
