Իրանի արտաքին գործերի նախարարության մամուլի խոսնակ Էսմայիլ Բաղաեին մամուլի ասուլիսի ընթացքում հայտարարել է, որ ներկա փուլում Թեհրանը կենտրոնացած է բոլոր ճակատներում, այդ թվում՝ Լիբանանում պատերազմի դադարեցման, Հորմուզի նեղուցում անվտանգության ապահովման, Իրանի դեմ ծովային շրջափակման վերացման վրա:
Նա նշել է, որ տարածաշրջանի բոլոր երկրները իրական մտահոգություն ունեն լարվածության սրման վերաբերյալ, և գնահատել է այն պետությունների ջանքերը, որոնք փորձում են համոզել կողմերին զերծ մնալ էսկալացիայից։ Բաղային հստակեցրել է միջնորդների դերը՝ նշելով, որ պաշտոնական միջնորդը շարունակում է մնալ Պակիստանը։ Խոսնակը շեշտել է, որ շատ երկրներ են կապ հաստատում բանակցային գործընթացի առնչությամբ, սակայն Իրանն առաջնորդվում է իրավիճակային առաջնահերթություններով։
Մեկնաբանելով ԱՄՆ-ի հետ ունեցած տարաձայնությունները՝ ԱԳՆ խոսնակը Վաշինգտոնին մեղադրել է Իրանի իրավունքները ոտնահարելու մեջ։ «Անկախ բոլոր խոչընդոտներից, մենք կենտրոնացած ենք Իրանի ազգային շահերի վրա և կգործենք այնպես, ինչպես կպահանջեն մեր շահերը»,- ընդգծել է Բաղաեին։
Հետևեք մեզ տելեգրամում
