ՀՀ և Ադրբեջանի միջև պայմանագրի ստորագրման բանակցություններ այս պահին չկան։ Այդ մասին հայտարարել է արտաքին գործերի նախարար Արարատ Միրզոյանը: Ըստ Միրզոյանի՝ հայկական կողմը պատրաստ է անմիջապես սկսել խորհրդակցություններ ստորագրման վայրի և ժամկետի շուրջ, սակայն Ադրբեջանը դեռ պատրաստակամություն չի հայտնում գնալ ստորագրման՝ միաժամանակ վերահաստատելով խաղաղության գործընթացին իր հանձնառությունը:
Անդրադառնալով Հայաստանի և Թուրքիայի հարաբերություններին՝ նա նշել է, որ քննարկվում են համագործակցության նոր հնարավորություններ, սակայն վերջնական որոշումներ դեռ չկան։ Նախարարը նշել է, որ օրակարգում առկա են բազմաթիվ տեխնիկական և տնտեսական հարցեր, որոնց թվում են նաև հայ-թուրքական հարաբերություններին վերաբերող թեմաները։
Միրզոյանը հիշեցրել է, որ երրորդ երկրների քաղաքացիների և դիվանագիտական անձնագիր ունեցող անձանց համար սահմանը բացելու վերաբերյալ պայմանավորվածությունը վաղուց գոյություն ունի, սակայն դրա իրականացումը շարունակ հետաձգվել է։ Նրա խոսքով՝ գործընթացը շարունակվում է «քայլ-քայլ», և ինքը վստահ է, որ ապագայում հնարավոր կլինի ականատես լինել հարաբերությունների ամբողջական կարգավորմանը։
Հետևեք մեզ տելեգրամում
