Հայաստանը քայլեր է ձեռնարկում Հնդկաստանի հետ պաշտպանական գործընկերությունն էլ ավելի խորացնելու ուղղությամբ՝ ուսումնասիրելով Pinaka կառավարվող հրթիռների և 155 մմ տրամաչափի հրետանային զինամթերքի տեղական արտադրական գծերի ստեղծման հնարավորությունը: Այս մասին հայտնում է հնդկաստանյան Indian Defence Research Wing լրատվամիջոցը:
Ըստ լրատվամիջոցի աղբյուրների՝ ներկայումս ընթանում են քննարկումներ հնդկական պաշտպանական ընկերությունների կողմից Հայաստանի տարածքում արտադրական ենթակառուցվածքներ ստեղծելու շուրջ՝ պատերազմական ժամանակաշրջանում մատակարարման հուսալի շղթա ապահովելու և ճգնաժամերի ընթացքում արտաքին մատակարարումներից կախվածությունը նվազեցնելու նպատակով։
Հիշեցնենք, որ 2026-ի հունվարին հայտնի էր դարձել, որ հնդկական Pinaka կառավարվող հրթիռների առաջին խմաքանակն է ուղարկվել Հայաստան: Մինչև այդ Հայաստան էր մատակարարվել նաև Pinaka համազարկային կրակի ռեակտիվ համակարգեր, «Konkurs» հակատանկային հրթիռային համալիրներ և այլ զինատեսակներ:
Հետևեք մեզ տելեգրամում
