Վրաստանի ֆինանսների նախարարությունը տվյալներ է հրապարկել երկրի արտաքին պարտքի վերաբերյալ։ 2026-ի ապրիլի դրությամբ Վրաստանի պետական պարտքը գերազանցել է 9.2 մլրդ դոլարը, և մեկ տարում աճել է 183 մլն դոլարով։
Նշվում է, որ պետական պարտքի աճը կապված է Վրաստանի կառավարության կողմից ճանապարհների, թունելների և այլ ենթակառուցվածքների կառուցման համար վերցված նոր վարկերի հետ: Ամենախոշոր նոր վարկերից մեկը Ասիական զարգացման բանկի (ԱԶԲ) հետ Բաթումի-Սարպի մայրուղու և թունելի կառուցման համար կնքված 360 միլիոն դոլար արժողությամբ համաձայնագիրն է եղել:
ԱԶԲ-ն Վրաստանի ամենամեծ վարկատուն է, և բանկին Վրաստանի պարտքը գերազանցում է 2.5 միլիարդ դոլարը։ Երկրորդ տեղում է Համաշխարհային բանկը՝ մոտավորապես 2.3 միլիարդ դոլարով։ Հաջորդում են Եվրոպական ներդրումային բանկը 1.2 մլրդ դոլար և Ֆրանսիան, որին Վրաստանը պարտք է 858 մլն դոլար։ Գերմանիան նույնպես հինգ խոշորագույն վարկատուների շարքում է՝ մոտավորապես 600 մլն դոլարով։
Հետևեք մեզ տելեգրամում
