Ադրբեջանի տարածքով Հայաստան է ուղարկվել հացահատիկի հերթական խմբաքանակը

ՌԴ-ից Ադրբեջանի տարածքով Հայաստան է ուղարկվել ցորենի հերթական խմբաքանակը, հայտնել են ադրբեջանական ԶԼՄ-ները։

Ադրբեջանի տարածքով՝ Վրաստանի հետ սահմանի ուղղությամբ Հայաստան ուղարկված ռուսական ցորենի խմբաքանակը ունի ընդհանուր 977 տոննա քաշ՝ 14 վագոն։

Ընդհանուր առմամբ, ըստ տվյալների, այն պահից ի վեր, երբ ադրբեջանական իշխանությունները հանել են երկրի տարածքով Հայաստան բեռների տարանցման արգելքը, Ռուսաստանից Ադրբեջանի միջոցով տեղափոխվել է ավելի քան 27 հազար տոննա հացահատիկ, ավելի քան 4 հազար տոննա պարարտանյութ, 133 տոննա ալյումին և 68 տոննա հնդկաձավար։