Իրանի հրթիռային հարվածների հետևանքով Քուվեյթում ամերիկացի զինվորներ են վիրավորվել

Չորս ամերիկացի զինծառայող և երեք քաղաքացիական աշխատակից թեթև վնասվածքներ են ստացել Իրանի կողմից Քուվեյթի ամերիկյան ավիաբազայի ուղղությամբ իրականացված հրթիռային հարձակումից։ CBS News հեռուստաալիքի փոխանցմամբ՝ անհրաժեշտ բժշկական օգնություն ստանալուց հետո նրանք արդեն վերադարձել են իրենց պարտականությունների կատարմանը։

Մերձավոր Արևելքում ԱՄՆ կենտրոնական հրամանատարության (CENTCOM) հաղորդմամբ՝ անցյալ հինգշաբթի Իրանը բալիստիկ հրթիռ է արձակել Քուվեյթի ուղղությամբ, որտեղ գտնվում է Պենտագոնի կողմից կառավարվող Ալի Ալ-Սալեմ ավիաբազան։ Ըստ CENTCOM՝ Քուվեյթի ՀՕՊ համակարգերը որսացել են հրթիռները:

Իրանի Իսլամական հեղափոխության պահապանների կորպուսը (ԻՀՊԿ) պաշտոնապես ստանձնել է հարձակման պատասխանատվությունը՝ հայտարարելով, որ ամերիկյան ռազմաբազային հարված է հասցրել ի պատասխան Բանդար Աբբասի շրջանում ԱՄՆ-ի գործողությունների։