Իրանի զինված ուժերի «Խաթամ ալ-Անբիա» կենտրոնական շտաբի փոխհրամանատար Մոհամմադ Ջաֆար Ասադին հայտարարել է, որ ԱՄՆ-ն Թեհրանից կապիտուլյացիա է պահանջում, ինչն անընդունելի է Իրանի համար: Այս մասին հայտնում են իրանական ԶԼՄ-ները:
«ԱՄՆ-ն մեր լիակատար կապիտուլյացիան է ցանկանում, իսկ իրանցի ժողովուրդը երբեք չի հանձնվի: Երբ հանձնվելու տարբերակ չկա, առջևում պատերազմ է: Մենք սպասում ենք և պատերազմի հետ կապված որևէ խնդիր չունենք: Այնպես որ, եթե նույնիսկ ՆԱՏՕ-ն ներգրավվի, մենք ոչ մի մտահոգություն չունենք»,- նշել է իրանցի հրամանատարը։
Ասադին հավելել է, որ Թեհրանը դեռ չի սպառել իր ողջ կարողությունները և պատրաստ է անհրաժեշտության դեպքում օգտագործել իր հաղթաթղթերը։
Իրանի Իսլամական հեղափոխության պահապանների կորպուսի խոսնակն իր հերթին հայտարարել է, որ եթե ռազմական գործողությունները վերսկսեն, ապա դրանց բնույթը կտրուկ կփոխվի։
Հետևեք մեզ տելեգրամում
