ԱՄՆ նախագահ Դոնալդ Թրամփը Սպիտակ տանը լրագրողների հետ զրույցում կարծիք է հայտնել, որ Իրանի հետ հնարավոր համաձայնագրի շուրջ բանակցությունները հաջող են առաջ ընթանում: Փոխանցում է «ՏԱՍՍ»-ը:
Նախագահը նշել է, որ գործերը շատ լավ են ընթանում, սակայն միևնույն ժամանակ հավելել է. «Մենք կհաղթենք այս կամ այն կերպ: Մենք հաղթանակի կհասնենք կա՛մ թղթի վրա, կա՛մ ռազմական ճանապարհով»:
ԱՄՆ առաջնորդի խոսքով՝ ապագա համաձայնագրի գլխավոր պայմաններն են լինելու այն, որ Իրանը չպետք է ունենա միջուկային զենք, իսկ Հորմուզի նեղուցը պետք է անհապաղ բացվի:
Նշենք, որ ավելի վաղ Իրանի ԱԳ նախարար Աբբաս Արաղչին հայտարարել էր, որ ԱՄՆ հետ կապը պահպանվում է, սակայն բանակցություններում առաջընթաց չկա:
Հետևեք մեզ տելեգրամում
