ԱՄՆ նախագահ Դոնալդ Թրամփը, պատասխանելով Թուրքիայի և Իսրայելի միջև առկա լարվածության և հնարավոր ռազմական հակամարտության վերաբերյալ լրագրողների հարցին, հայտարարել է, որ իր նախագահության օրոք նման բան չի լինի: Ermenihaber.am-ի փոխանցմամբ՝ Միացյալ Նահանգների ղեկավարը բարձր է գնահատել իր անձնական հարաբերությունները Թուրքիայի նախագահի հետ՝ նրան անվանելով հզոր անձնավորություն և մեծ առաջնորդ։
«Էրդողանն իմ ընկերն է և մենք միասին լավ ենք աշխատել։ Սիրում եմ իրեն։ Դա չպետք է ասեի, որովհետև մամուլը անմիջապես կգրի. «Օ՜, նա սիրում է Էրդողանին»։ Նա մեծ առաջնորդ է ու հզոր անձնավորութուն»,- ասել է Թրամփը:
Անդրադառնալով բուն հարցին՝ Թրամփը հայտնել է.
«Ես նման բան չեմ լսել։ Եթե լսած լինեի, կզանգահարեի նրան և կհամոզվեի, որ ամեն ինչ կարգին է։ Չեմ կարծում, որ նման բան կպատահի Թուրքիայի հետ, դա գոնե իմ նախագահության ընթացքում չի լինի, որովհետև նա հարգում է ինձ, և ես հարգում եմ նրան»։
Հետևեք մեզ տելեգրամում
