Վենեսուելայի նախագահի պաշտոնակատար Դելսի Ռոդրիգեսը հայտնել է, որ Վենեսուելայում երկրաշարժի հետևանքով զոհերի թիվը հասել է 164-ի, իսկ վիրավորներինը՝ 971-ի։
Ամենաշատը տուժել է Լա Գուայրա ափամերձ նահանգը։ «Այնտեղ տասնյակ շենքեր են փլուզվել և մենք ներկայումս փրկարարական գործողություններ ենք իրականացնում կյանքեր փրկելու համար», – ասել է Ռոդրիգեսը։
Կարակասում նույնպես ավերածություններ են եղել։ Մայրաքաղաքի օդանավակայանը վնասվել և փակվել է։ Կարակասի որոշ շրջաններում անջատվել է էլեկտրաէներգիան և բջջային կապը։ Քաղաքի մետրոն խափանվել է, գազամատակարարումը դադարեցվել է, իսկ դպրոցները փակ են։
Հիշեցնենք, որ հունիսի 24-ին Վենեսուելայում գրանցվել է երկու երկրաշարժ, որոնք տեղի են ունեցել 40 վայրկյան ընդմիջումներով՝ 7.5 և 7.2 մագնիտուդ ուժգնությամբ։
Հետևեք մեզ տելեգրամում
