ՆԱՏՕ-ն դասընթաց է անցկացնում Բաքվում

ՆԱՏՕ-ի ցամաքային հրամանատարության Շարժական ուսումնական խումբը (Mobile Training Team – MTT) դասընթաց է անցկացնում Բաքվում: Այդ մասին հայտնում է Ադրբեջանի պաշտպանության նախարարության մամուլի ծառայությունը։

Դասընթացի հիմնական թեմաներն են՝ «ՆԱՏՕ-ի զորավարժությունների պլանավորում», «ՆԱՏՕ-ի չափանիշներին համապատասխան զորավարժությունների անցկացում, թիրախների սահմանում»։

Դասընթացի հիմնական նպատակը ժամանակակից պահանջներին համապատասխան զինվորական անձնակազմի տեսական և գործնական գիտելիքների բարձրացումն է, նրանց ժամանակակից տեխնոլոգիական լուծումների, մեթոդների և գործիքների կիրառման մեջ վերապատրաստելը, ինչպես նաև այս ոլորտում ՆԱՏՕ-ի չափանիշների և ընթացակարգերի ուսումնասիրությունը։ Դասընթացը կտևի մինչև հուլիսի 2-ը։