Կատարը, Պակիստանը և տարածաշրջանային այլ միջնորդներ ակտիվ ջանքեր են գործադրում Միացյալ Նահանգների և Իրանի միջև լարվածությունը թուլացնելու և միջուկային գործարքի շուրջ բանակցությունները վերսկսելու ուղղությամբ։ Այս մասին հայտնում է Axios-ը՝ հղում անելով իր աղբյուրներին:
Ըստ լրատվամիջոցի՝ միջնորդները կարծում են, որ, չնայած վերջին էսկալացիային, կողմերը բանակցությունների նախորդ փուլերում զգալի առաջընթաց էին գրանցել, և այժմ փորձում են թույլ չտալ փոխըմբռնման հուշագրի վերջնական տապալումը։ Տարածաշրջանային աղբյուրի փոխանցմամբ՝ միջնորդ երկրները հակված են այն վարկածին, որ Հորմուզի նեղուցում իրանական վերջին հարձակումները նախաձեռնվել են Իրանի վարչակարգի ներսում գտնվող այն տարրերի կողմից, որոնք դեմ են հուշագրին և ցանկանում են տապալել այն:
«Այժմ ծավալուն դիվանագիտական ջանքեր են գործադրվում նախ երկու կողմերի հետ էսկալացիայի նվազեցման շուրջ համաձայնության գալու, իսկ այնուհետև տեխնիկական թիմերի միջև բանակցությունների հաջորդ փուլի ամսաթիվը սահմանելու համար»,- նշել է աղբյուրներից մեկը:
Հետևեք մեզ տելեգրամում
