Եվրահանձնաժողովը Google-ին ընդհանուր 890 մլն եվրոյի տուգանք է սահմանել առցանց մրցակցության կանոնների խախտման համար։ Այս մասին հայտնել է «The Guardian» պարբերականը։
Ըստ հանձնաժողովի՝ ընկերությունը խախտել է «Թվային շուկաների մասին ակտը»՝ որոնողական համակարգում սեփական ծառայություններին առավելություն տալով մրցակիցների նկատմամբ, ինչպես նաև սահմանափակելով հավելվածների մշակողների հնարավորությունը՝ օգտատերերին ուղղորդելու ավելի էժան առաջարկների դեպի կայքեր կամ այլ հավելվածների խանութներ։
Տուգանքի կազմում որոնողական ծառայությունների խախտման համար Google-ը պարտավոր է վճարել 460 մլն եվրո, իսկ հավելվածների խանութի (Google Play) հետ կապված խախտումների համար՝ ևս 430 մլն եվրո։
Եվրահանձնաժողովը նաև պարտավորեցրել է Google-ին որոնման արդյունքներում երրորդ կողմի ծառայությունների նկատմամբ ապահովել արդար և ոչ խտրական վերաբերմունք, ինչպես նաև թույլ տալ հավելվածների մշակողներին իրենց առաջարկները ներկայացնել Google Play-ից դուրս։
Հանձնաժողովը նշել է, որ Google-ն արդեն սկսել է փորձարկել որոնման արդյունքների ցուցադրման որոշ փոփոխություններ, որոնք գնահատվել են որպես «էական առաջընթաց»՝ եվրոպական կանոններին համապատասխանելու ուղղությամբ։
Google-ի գլոբալ հարցերով նախագահ Քենթ Ուոքերը քննադատել է որոշումը՝ հայտարարելով, որ այն հիմնված է «սեփական շահերով առաջնորդվող բողոքատուների» պահանջների վրա և կարող է բացասաբար անդրադառնալ եվրոպացի սպառողների ու բիզնեսի վրա։ Նրա խոսքով՝ ակտն ընկերությանը ստիպում է հրաժարվել այնպիսի գործառույթներից, ինչպիսիք են հյուրանոցների, ավիատոմսերի և ռեստորանների իրական ժամանակի գների ու հասանելիության ցուցադրումը, ինչպես նաև թուլացնել Google Play-ի անվտանգության մեխանիզմները։
Google-ը կարող է բողոքարկել Եվրահանձնաժողովի որոշումը և պահանջել ժամանակավորապես կասեցնել դրա կիրառումը։
Հետևեք մեզ տելեգրամում
