ԱՄՆ նախագահ Դոնալդ Թրամփը հայտարարել է, որ մոտ է Իրանին մասշտաբային հարված հասցնելու վերաբերյալ որոշում կայացնելուն։ Այդ մասին նա ասել է «Axios»-ին տված հարցազրույցում։
«Ես դիտարկում եմ մասշտաբային հարված հասցնելու հնարավորությունը՝ ավելի հզոր, քան երբևէ։ Դրա համար մենք ամեն ինչ պատրաստ ունենք», – հայտարարել է Թրամփը։
Նրա խոսքով՝ ԱՄՆ-ի խնդրանքով հնարավոր է, որ գործողությանը միանա նաև Իսրայելը:
Միաժամանակ «The Wall Street Journal»-ը, հղում անելով իր աղբյուրներին, հայտնել է, որ ԱՄՆ-ը Մերձավոր Արևելք է տեղափոխում լրացուցիչ ռազմական ուժեր, բուժանձնակազմ և սպառազինություն՝ Իրանի հետ հակամարտության հնարավոր ընդլայնման ֆոնին։
Ավելի վաղ «Axios»-ը գրել էր, որ միջնորդները Վաշինգտոնին ներկայացրել են Իրանի հետ 10-օրյա հրադադարի առաջարկ։ Աղբյուրների փոխանցմամբ՝ Սպիտակ տունը քննարկում է այդ նախաձեռնությունը և Իսրայելին կոչ է արել խուսափել իրավիճակի հետագա սրումից, սակայն միաժամանակ պատրաստվում է նաև բանակցությունների հնարավոր ձախողմանը՝ ուժեղացնելով իր ռազմական ներկայությունը տարածաշրջանում։
Հիշեցնենք, որ ԱՄՆ-ը հուլիսի 8-ին վերսկսել էր Իրանի ուղղությամբ հարվածները՝ Թեհրանին մեղադրելով Հորմուզի նեղուցում առևտրային նավերի վրա հարձակումներ իրականացնելու համար։ Իրանը, իր հերթին, այդ գործողությունները որակել էր ձեռք բերված պայմանավորվածությունների խախտում և պատասխան հարվածներ էր հասցրել Մերձավոր Արևելքում տեղակայված ամերիկյան ռազմաբազաներին։
Հետևեք մեզ տելեգրամում
