Իրանը շարունակում է ԱՄՆ-ի հետ ուղերձների փոխանակումը, սակայն այս պահին բանակցությունների համար անհրաժեշտ պայմանները բացակայում են։ Այս մասին Ավստրիայի «ORF» հեռուստաընկերությանը տված հարցազրույցում հայտարարել է Իրանի արտաքին գործերի նախարարության խոսնակ Էսմայիլ Բաղային։
Նրա խոսքով՝ Իրանի առաջնահերթությունը ներկայում երկրի ինքնիշխանության, տարածքային ամբողջականության և բնակչության պաշտպանությունն է, այլ ոչ թե բանակցությունների անցկացումը։ Բաղային ԱՄՆ-ին մեղադրել է դիվանագիտական գործընթացը խաթարելու և Իրանի հետ ձեռք բերված պայմանավորվածությունները չկատարելու մեջ։ Նա ԱՄՆ-ի վերջին հարվածներն անվանել է «Իրանի դեմ անօրինական պատերազմի շարունակություն»։
Խոսելով Հորմուզի նեղուցի մասին՝ Իրանի ԱԳՆ խոսնակը հայտարարել է, որ Թեհրանը ապահովել է միջազգային նավագնացության անվտանգությունը, սակայն թույլ չի տա, որ ռազմավարական ջրուղին օգտագործվի Իրանի ազգային անվտանգությանը սպառնացող գործողությունների համար։
Հետևեք մեզ տելեգրամում
