Ադրբեջանի նախագահի օգնական Հիքմեթ Հաջիևը թուրք լրագրողներին տված հարցազրույցում կրկնել է ՀՀ Սահմանադրության փոփոխության անհրաժեշտության մասին թեզը: Նա դրանով է պայմանավորել խաղաղության պայմանագրի վերջնական ստորագրումը:
«Մենք ակնկալում ենք, որ Հայաստանի Սահմանադրությունից կհեռացվեն Ադրբեջանի և Թուրքիայի նկատմամբ տարածքային պահանջներ պարունակող դրույթները։ Այս հարցի վերաբերյալ մեր ստացած ազդակները ցույց են տալիս, որ Հայաստանում նոր Սահմանադրության ընդունման գործընթաց կսկսվի։ Կարող է անցկացվել համազգային հանրաքվե։ Հայաստանի Սահմանադրությունից Ադրբեջանի նկատմամբ տարածքային պահանջները հանելուց հետո մենք որևէ խոչընդոտ չենք տեսնում խաղաղության պայմանագրի վերջնական ստորագրման համար։ Սակայն մեր տարածաշրջանում ներկայումս արդեն փաստացի խաղաղություն է հաստատված»,- նշել է Հաջիևը։
Հետևեք մեզ տելեգրամում
