Վրաստանի ներքին գործերի նախարարության միգրացիայի վարչության կողմից վերջին օրերին իրականացված միջոցառումների հետևանքով երկրից արտաքսվել է 113 օտարերկրյա քաղաքացի։
Վրաստանի Առաջին ալիքի փոխանցմամբ՝ արտաքսվածների թվում են Թուրքիայի, Թուրքմենստանի, Ռուսաստանի, Հնդկաստանի, Հայաստանի, Չինաստանի, Քենիայի, Կուբայի, Ուզբեկստանի, Ղազախստանի, Ադրբեջանի, Եգիպտոսի, Եթովպիայի, Հորդանանի, Նեպալի, Նիգերիայի, Պակիստանի, Թաիլանդի և այլ երկրների քաղաքացիներ։
Հայտնի չէ, թե արտաքսվածներից քանիսն է ՀՀ քաղաքացի: Վրաստանի ՆԳՆ-ն նաև չի մանրամասնել արտաքսման պատճառները։ Գործող օրենսդրության համաձայն՝ արտաքսված անձանց արգելվել է կրկին մուտք գործել Վրաստան։
Հետևեք մեզ տելեգրամում
