USS George Washington ավիակիրը Խաղաղ օվկիանոսից ուղղություն է վերցրել դեպի Մերձավոր Արևելք՝ փոխարինելու USS Abraham Lincoln ավիակրին, որն արդեն տևական ժամանակ ներգրավված է Իրանի դեմ ԱՄՆ գործողություններում: Այս մասին հայտնում է Al Jazeera-ն:
Նախորդ շաբաթ USS George Washington-ը դուրս է եկել Վիետնամի Դանանգ նավահանգստից, որից հետո նկատվել է Սինգապուրի նեղուցն անցնելիս: ԱՄՆ ՌՕՈւ ներկայացուցիչը հաստատել է, որ ռազմանավն անցնում է Մալակայի նեղուցով, որը կապում է Խաղաղ և Հնդկական օվկիանոսները:
Ամերիկյան պարբերականների փոխանցմամբ՝ George Washington-ի տեղափոխումը Մերձավոր Արևելք Խաղաղ օվկիանոսի ավազանը որոշակի ժամանակով կթողնի առանց ամերիկյան ավիակիրների մշտական ներկայության:
Այս ռոտացիան իրականացվում է USS Abraham Lincoln ավիակրի անձնակազմի հոգեբանական ծանր վիճակի և մատակարարումների խնդիրների մասին ահազանգերի ֆոնին։ Ավիակիրը 2026թ. հունվարից ի վեր ծառայություն է իրականացնում Արաբական ծովում, և ըստ շրջանառվող լուրերի՝ անձնակազմի անդամների շրջանում անգամ ինքնասպանության փորձեր են եղել, իսկ նավի վրա ջրի և սննդի պակաս կա:
Հետևեք մեզ տելեգրամում
