Թուրքիայի նախագահ Ռեջեփ Թայիփ Էրդողանը Բիշքեկում Շանհայի համագործակցության կազմակերպության պետությունների ղեկավարների գագաթնաժողովի շրջանակներում հանդիպել է Ադրբեջանի նախագահ Իլհամ Ալիևի հետ։ Այս մասին հայտնել է Թուրքիայի նախագահականը։
Կողմերը քննարկել են Թուրքիայի և Ադրբեջանի երկկողմ հարաբերությունները, ինչպես նաև տարածաշրջանային և միջազգային զարգացումները։
Հանդիպման ընթացքում Էրդողանն անդրադարձել է երկու երկրների միջև էներգետիկայի, ենթակառուցվածքների և տրանսպորտի ոլորտներում համագործակցությանը՝ ընդգծելով այդ ուղղություններով իրականացվող ծրագրերի կարևորությունը։
Թուրքիայի նախագահը նաև նշել է, որ Անկարան շարունակելու է աջակցել Ադրբեջանի և Հայաստանի միջև խաղաղության գործընթացին՝ ընդգծելով, որ Հայաստան-Ադրբեջան հաստատվող խաղաղությունը «կենարար ջուր» կլինի տարածաշրջանի համար։
Հանդիպման ավարտին Էրդողանը Ալիևին հրավիրել է Անթալիայում կայանալիք ՄԱԿ-ի Կլիմայի փոփոխության շրջանակային կոնվենցիայի կողմերի 31-րդ համաժողովին՝ COP31-ին։
Հետևեք մեզ տելեգրամում
