Իսրայելական հարվածների հետևանքով Գազայի հատվածում առնվազն հինգ մարդ է զոհվել։ Այս մասին հայտնում է «Al Jazeera»-ն։
Ըստ լրատվականի՝ Գազա քաղաքի քաղաքային զբոսայգու մոտ իսրայելական ավիահարվածի հետևանքով երկու մարդ է զոհվել, մի քանի մարդ էլ վիրավորվել է։ Տարածքը, ըստ աղբյուրի, մարդաշատ է եղել, քանի որ այնտեղ ապաստան են գտել տեղահանված ընտանիքներ։ Մեկ այլ հարված է հասցվել Գազա քաղաքի արևմտյան հատվածում գտնվող Թալ ալ-Հավա թաղամասին, որտեղ զոհվել է առնվազն երեք մարդ։
Իսրայելի զինված ուժերը հայտարարել են, որ երկու հարվածների թիրախում «Համաս»-ի զինյալներն են եղել, սակայն այդ պնդման վերաբերյալ ապացույցներ չեն ներկայացրել։ «Al Jazeera»-ի փոխանցմամբ՝ վերջին օրերին Իսրայելը մեծացրել է Գազայի ուղղությամբ հարձակումները՝ չնայած հոկտեմբերին ձեռք բերված հրադադարին։
Գազայի առողջապահության նախարարության տվյալներով՝ հրադադարի ուժի մեջ մտնելուց հետո իսրայելական հարվածների հետևանքով զոհվել է 1313 պաղեստինցի։
Հետևեք մեզ տելեգրամում
