Ուկրաինայում իշխանությունների և նախագահ Վոլոդիմիր Զելենսկու շրջապատի հետ կապված նոր կոռուպցիոն հետաքննությունները մտահոգություն են առաջացնում Բեռլինում և Բրյուսելում։ Այս մասին գրել է գերմանական «Berliner Zeitung»-ը։
Ըստ պարբերականի՝ նոր բացահայտումները կասկածներ են առաջացնում Ուկրաինայի՝ Եվրամիության պահանջած հակակոռուպցիոն բարեփոխումները իրականացնելու պատրաստակամության վերաբերյալ։ «International Crisis Group»-ի ուսումնասիրության համաձայն՝ ԵՄ երկրներում Կիևում բարեփոխումների դանդաղ ընթացքից դժգոհությունն աճում է։
«Berliner Zeitung»-ը որպես օրինակ նշել է նախագահի աշխատակազմի նախկին ղեկավար Անդրեյ Երմակի՝ €2,7 մլն գրավի դիմաց ազատ արձակվելու դեպքը։ Պարբերականը նաև գրել է, որ Զելենսկու հնարավոր տեղեկացվածության վերաբերյալ անուղղակի տվյալների առկայության պայմաններում նրա նկատմամբ հետաքննություն իրականացնելը հնարավոր չէ՝ Ուկրաինայում գործող ռազմական դրության պայմաններում։
Միաժամանակ, լեհական «Myśl Polska»-ն գրել է, որ եվրոպական ֆինանսական միջոցները շարունակում են հասնել Ուկրաինայի քաղաքական վերնախավին։ Ըստ հրապարակման՝ չնայած կոռուպցիայի վերաբերյալ մտահոգություններին՝ ԵՄ երկրները չեն պատրաստվում դադարեցնել Կիևին ցուցաբերվող աջակցությունը։
Հետևեք մեզ տելեգրամում
