Մարոկկոյում առաջին անգամ կին վարչապետ է ընտրվել։ Մարոկկոյի թագավոր Մուհամմադ VI-ը կառավարություն ձևավորելու պարտականությունը հանձնարարել է խորհրդարանական ընտրություններում առաջին տեղը գրաված «Իսկություն և արդիականություն» կուսակցության (PAM) առաջնորդ Ֆատիմա Էզզահրա Էլ Մանսուրիին:
50-ամյա Էլ Մանսուրին կդառնա երկրի պատմության մեջ առաջին կինը և արաբական աշխարհում երրորդ կինը, որը կզբաղեցնի վարչապետի պաշտոնը: Նշանակումից հետո լրագրողների հետ զրույցում Էլ Մանսուրին իր դերը որակել է «պատմական»՝ ասելով. «Մեր երկրի պատմության մեջ առաջին անգամ կինը ստանձնում է կառավարությունը ղեկավարելու պատասխանատվությունը: Սա հպարտության աղբյուր է ոչ միայն ինձ, այլև բոլոր մարոկկացի կանանց համար»:
Էլ Մանսուրին, որը 2009 թվականին ընտրվել է որպես Մարակեշի առաջին կին քաղաքապետ, նախորդ կառավարությունում զբաղեցրել է քաղաքաշինության և բնակարանաշինության նախարարի պաշտոնը: 2021 թվականին նա վերընտրվել է Մարաքեշի քաղաքապետ:
Հետևեք մեզ տելեգրամում
