Աջարիան կարմիր գոտում է հայտնվել

Վերջին օրերին Վրաստանում գրանցվել է կորոնավիրուսով վարակվածների ռեկորդային ցուցանիշ` 45 դեպք, որի մեծ մասը Աջարիայում: 

Թբիլիսիի ինֆեկցիոն հիվանդանոցի տնօրեն Մարինա Էզուգբայան նշել է, որ դեպքերից 23-ը գրանցվել է Աջարիայում, դրանցից 3-ը փոխկապակցված են:  Էզուգբայայի խոսքով, կորոնավիրուսի տարածվածությունն սկսել է ինտենսիվ բնույթ կրել, իսկ դա վկայում է, որ կասկածի տակ է ինֆեկցիայի աճի վերահսկումը: 

«Երկիրը դեռևս կանաչ գոտում է, քանի որ դեպքերը տասից պակաս էին, այսօրվա նոր 45 դեպքերը համավարակի ընթացքում հաստատվել են առաջին անգամ: Աջարիայում ավելի լուրջ է իրավիճակը, այնտեղ դեպքերի ցուցանիշը 42.4 տոկոս է, ինչը նշանակում է, որ Աջարիան կարմիր գոտում է, և հարկավոր է լրացուցիչ միջոցառումներ իրականացնել»,-ասել է հիվանդանոցի տնօրենը