ՌԴ նախագահի մամուլի խոսնակ Դմիտրի Պեսկովը Թուրքիան անվանել է Ռուսաստանի կարևոր և ռազմավարական դաշնակից և հույս հայտնել, որ մի օր թուրք գործընկերները կհասկանան Ղրիմի հարցում Ռուսաստանի դիրքորոշման ճշգրտությունն ու վավերությունը:
Լրագրողների հետ զրույցում Պեսկովը հայտարարել է, որ ներկայում Ռուսաստանը Թուրքիայի հետ սերտ համագործակցում է տարածաշրջանային բոլոր հարցերում, այդ թվում Ադրբեջանի, Սիրիայի:
«Չնայած բարդ պահերին՝ նախագահներին հաջողվել է փոխզիջում գտնել: Մենք բարձր ենք գնահատում փոխզիջումներ փնտրելու հարցում քաղաքական կամքը»,-ասել է Պեսկովը:
Անդրադառնալով Ղրիմի հարցով տարաձայնություններին՝ ՌԴ նախագահի խոսնակը նշել է, որ իրենք համբերատար շարունակում են պարզաբանել, որ վաղ թե ուշ թուրք գործընկերները կհասկանան Ղրիմի հարցում Ռուսաստանի դիրքորոշման ճշգրտությունն ու վավերությունը:
Նշենք, որ Թուրքիայի նախագահ Ռեջեփ Թայիփ Էրդողանը հայտարարում է, որ Ղրիմը չի ճանաչում որպես ռուսական տարածք:
Հետևեք մեզ տելեգրամում
