Իսրայելի նոր նախագահի ընտրությունները տեղի կունենան հունիսի 2-ին

Իսրայելի խորհրդարանի (Քնեսեթ) նախագահը և տեղակալները երկրի նոր նախագահի ընտրությունները նշանակել են հունիսի 2-ին:

«Քնեսեթի խոսնակ Յաիր Լևինի հրամանով՝ Իսրայելի հաջորդ նախագահի ընտրությունները տեղի կունենան հունիսի 2-ին: Նախագահի ընտրությունները կկայանան Քնեսեթի նիստի ժամանակ գաղտնի քվեարկության միջոցով»,-ասվում է խորհրդարանի տարածած հաղորդագրության մեջ:

Թեկնածուները ընտրությունից 2 շաբաթ առաջ պետք է ներկայացնեն 10 պատգամավորի ստորագրություն, որոնք աջակցում են իրեն: