Տեսակոնֆերանսի ձևաչափով Փաշինյան-Պուտին-Ալիև հանդիպում նախապատրաստվում է. Պեսկով

Հաջորդ շաբաթ նախատեսված է Ռուսաստանի, Հայաստանի և Ադրբեջանի առաջնորդների եռակողմ հանդիպում։ Այն անցկացվելու է տեսակոնֆերանսի ձևաչափով։ Ինտերֆաքսի հաղորդմամբ, ասել է ՌԴ նախագահի մամուլի խոսնակ Դմիտրի Պեսկովը։

Ավելի վաղ «Ռոսիա-1» հեռուստաալիքը  հայտնել էր, որ հաջորդ շաբաթ բացառված չեն Պուտինի, Փաշինյանի և Ալիևի մասնակցությամբ միջոցառում՝ նվիրված են Լեռնային Ղարաբաղում պատերազմը դադարեցրած եռակողմ փաստաթղթի ստորագրման մեկամյակին։

Ինտերֆաքսի աղբյուրների փոխանցմամբ՝ տեսակոնֆերանսի ռեժիմով միջոցառումը նախատեսված է հաջորդ շաբաթվա սկզբին։