Հունվարի 20-ին Իսրայելի վարչապետ Նաֆթալի Բեննեթը հեռախոսազրույց է ունեցել Աբու Դաբիի թագաժառանգ Մուհամմադ բըն Զայեդ Ալ-Նահյանի հետ:
Իսրայելի վարչապետը իր ցավակցությունն է հայտնել հութիների հարձակման հետևանքով երեք զոհերի համար:
«Վարչապետը նաև առաջարկել է Իսրայելի հետախուզության և անվտանգային աջակցությունը ԱՄԷ-ին՝ ընդգծելով ահաբեկչական ուժերին դիմակայելու անհրաժեշտությունը, որոնք սպառնում են տարածաշրջանի անվտանգությանն ու խաղաղությանը»,- նշված է Բեննեթի աշխատակազմի տարածած հայտարարության մեջ:
Հիշեցնենք, որ օրեր առաջ անօդաչուների հարձակման հետևանքով վառելիք տեղափոխող երեք տանկերը պայթել էին Աբու Դաբիի Մուսաֆահ արդյունաբերական տարածքում, իսկ Աբու Դաբիի միջազգային օդանավակայանի պահեստում հրդեհ է բռնկվել։ Սպանվել են 3 քաղաքացիներ, վիրավորվել՝ ևս 6-ը: Հութիները ստանձնել էին հարձակման պատասխանատվությունը: Ի պատասխան այս հարձակման Սաուդյան Արաբիայի գլխավորած կոալիցիան, որի անդամ է նաև ԱՄԷ-ն, ավիահարվածներ է Եմենի մայրաքաղաք Սանային՝ թիրախավորելով հութիների ճամբարները և կենտրոնակայանները:
Հետևեք մեզ տելեգրամում
