Թուրքիայի նախագահ Ռեջեփ Թայիփ Էրդողանն այսօր պաշտոնական այցով կմեկնի Աբու Դաբի, որտեղ հանդիպում կունենա թագաժառանգ, արքայազն Մուհամմադ բըն Զայիդ Ալ- Նահայանի և այլ արաբ բարձրաստիճան պաշտոնյաների հետ, գրում է ermenihaber-ը:
Հանդիպման ժամանակ նախատեսվում է քննարկել Թուրքիա-Արաբական Միացյալ Էմիրություններ (ԱՄԷ) համագործակցության ընդլայնման հարցը տարբեր ոլորտներում: Քննարկվելու է տարածաշրջանային, միջազգային մի շարք խնդիրներ ու հարցեր:
Թուրքական լրատվամիջոցները հայտնում են, որ Թուրքիան ու ԱՄԷ-ն պատրաստվում են ստորագրել 12 պայմանագիր, որոնք առնչվում են առևտրային, ռազմական, բեռնափոխադրման, առողջապահական և տեխնոլոգիական ոլորտներին:
Հիշեցնենք, որ 2021թ.-ի 21-ին Էրդողանն Անկարայում ընդունել էր Նահայանին։ Դա թագաժառանգի և ԱՄԷ ամենաազդեցիկ պետական գործչի առաջին այցն էր Թուրքիա 2012 թվականից ի վեր։
Հետևեք մեզ տելեգրամում
