Սիրիայի արտգործնախարար Ֆայսալ Միկդադը, ով աշխատանքային այցով գտնվում է Մոսկվայում, երկուշաբթի հանդիպելու է Ռուսաստանի ԱԳ նախարար Սերգեյ Լավրովի հետ:
Նախարարները քննարկելու են Սիրիայում տիրող իրավիճակը, երկկողմ հարաբերությունների ընդլայնումը, Սիրիային մարդասիրական օգնության տրամադրումը և փախստականների խնդիրը:
Բանակցությունների օրակարգում առանցքային տեղ է զբաղեցնելու Սիրիայի սահմանադրական հանձնաժողովի աշխատանքների վերսկսման խնդիրը: Օրեր առաջ Դամասկոսում Միկդադը հանդիպել էր Սիրիայի հարցերով ՄԱԿ-ի գլխավոր ներկայացուցիչ Գեյր Պեդերսենի հետ, ով հայտարարել էր, թե այս հանդիպումից հետո «ավելի լավատես» է տրամադրված, և որ բանակցությունների հաջորդ փուլը կարող է կայանալ մարտ ամսին:
Բացի այդ, Լավրովը և Միկդադը քննարկելու են Աստանայի ձևաչափի (Ռուսաստան, Իրան, Թուրքիա) գործունեությունը, որը կայացել էր 2021 թվականի դեկտեմբերին: Երաշխավոր երկրների ներկայացուցիչները վերջերս հաստատել են, որ Թեհրանում Ռուսաստանի, Իրանի և Թուրքիայի գագաթնաժողովի անցկացման հարցը շարունակում է մնալ օրակարգում։ Ակնկալվում է, որ այս գագաթաժողովում սիրիական խնդրի կարգավորման հարցում հնարավոր է ավելի շոշափելի առաջընթացի հասնել:
Նշենք, որ Միկդադը Մոսկվայում հանդիպել է նաև Ռուսաստանի Պետական Դումայի Միջազգային կապերի հանձնաժողովի համանախագահ Լեոնիդ Սլուցկիի հետ:
Սիրիայի արտգործնախարարը Մոսկվա էր ժամանել 2020 թվականի դեկտեմբերին, սակայն կողմերը պարբերաբար հեռախոսազրույցներ են ունենում:
Հետևեք մեզ տելեգրամում
