Բաքվում ադրբեջանական ոստիկանությունը թույլ չի տվել մի խումբ անձանց բողոքի ակցիա իրականացնել Ռուսաստանի դեսպանատան դիմաց, որոնք պատրաստվում էին աջակցություն ցուցաբերել պաշտոնական Մոսկվային:
Ոստիկանության ջոկատներն այսօր ժամը 14:30-ից անցորդներին թույլ չեն տվել մոտենալ Ռուսաստանի դեսպանատան շենքին։ Դեսպանատուն են մտել միայն ՌԴ ներկայացուցչության աշխատակիցները։
Turan-ի տեղեկացմամբ՝ ակցիայի մասնակիցներից մեկն Ուկրաինային աջակցող բոլոր ադրբեջանցիներին ֆաշիստներ է անվանել:
Ակցիան նախատեսված էր անցկացնել մարտի 3-ին ժամը 15:00-ին, սակայն դրան մասնակցելու կոչերը սոցցանցերում տարածվում էին դեռ մարտի 1-ից։
Հետևեք մեզ տելեգրամում
