Ամերիկյան Axios պարբերականում հոդված է հրապարակվել այն մասին, որ վերջին շրջանում Իսրայելը լոբբինգ է իրականացրել Բայդենի վարչակազմում, որպեսզի ԱՄՆ-ը թույլ չտա Թուրքիային ռազմական գործողություններ սկսել քրդերի դե,:
«Իսրայելը սիրիացի քրդերին դաշնակիցներ է դիտարկում՝ ընդդեմ Սիրիայում Իրանի աճող ազդեցության, և մի քանի տարի աջակցում է նրանց ինչպես դիվանագիտորեն, այնպես էլ այլ ուղիներով», – նշում է աղբյուրը։
Աղբյուրը տեղեկացնում է, որ Իսրայելի ազգային անվտանգության հարցերով խորհրդական Էյալ Հուլաթան հայտնել է իր ամերիկացի գործընկեր Ջեյք Սալիվանին, որ թուրքական նոր գործողությունը Սիրիայի հյուսիսում լրջորեն կվնասի քրդերին և երկարաժամկետ հեռանկարում կարող է օգուտ բերել Իրանին:
Հունիսի վերջին ՆԱՏՕ-ի գագաթնաժողովի շրջանակում նախագահ Բայդենը զգուշացրել է Թուրքիայի նախագահ Ռեջեփ Թայիփ Էրդողանին Սիրիայում քրդերի դեմ նոր գործողություններ սկսելու մասին: Հանդիպումից հետո Էրդողանը կարծես թե արգելակեց հնարավոր գործողությունը, սակայն վերջին օրերին այն կրկին օրակարգ է բերել։
Հետևեք մեզ տելեգրամում
