Իրանի Սարավան քաղաքի արվարձաններում տեղի է ունեցել բախում, որի հետևանքով սպանվել է Պակիստանի 9 քաղաքացի: Տեղեկությունը փոխանցում է իրանական IRNA լրատվամիջոցը՝ հավելելով, որ կա ևս 3 վիրավոր:
Միջադեպին անդրադարձել է Իրանի ԱԳՆ խոսնակ Նասեր Քանանին՝ դատապարտելով զինված բախումը: Նա ցավակցություն է հայտնել Պակիստանի կառավարությանը և զոհերի ընտանիքների՝ նշելով, որ միջադեպի կապակցությամբ հետաքննությունը շարունակվում է:
«Իրանը և Պակիստանը թույլ չեն տա, որ թշնամիները վնասեն երկու երկրների եղբայրական հարաբերություններին»,- հավելել է Քանանին:
Հետևեք մեզ տելեգրամում
