ԱՄՆ նախագահական ընտրությունների արդյունքը ոչ մի կերպ չի փոխի իրավիճակը Իրանի ներսում, մարդկանց կյանքում փոփոխություններ չեն լինի, հայտարարել է Իրանի Իսլամական Հանրապետության կառավարության ներկայացուցիչ Ֆաթեմե Մոհաջերանին։
«ԱՄՆ-ի նախագահական ընտրությունները մեզ հետ անմիջական կապ չունեն. ԱՄՆ-Իրան քաղաքականության ընդհանուր վեկտորը կմնա անփոփոխ»,- ընդգծել է Մոհաջերանին։
Կառավարության ներկայացուցիչը նշել է, որ Թեհրանում մտահոգություն չեն զգում նախագահական ընտրություններում հանրապետական Դոնալդ Թրամփի հաղթանակի մասին տեղեկությունների ֆոնին։
«Ամեն դեպքում, մեզ համար այս երկու թեկնածուների միջև տարբերություն չկա»,- հավելել է Մոհաջերանին։
Նշենք, որ ԱՄՆ նախագահական ընտրություններում նախնական տվյալներով հաղթանակ է տարել հանրապետական թեկնածու Դոնալդ Թրամփը:
Հետևեք մեզ տելեգրամում
