Եգիպտոսը պատրաստվում է ներկայացնել Գազայի հատվածի վերականգնման սեփական ծրագիրը, որը դեռևս երաշխավորում է պաղեստինցիների՝ իրենց հողում մնալու հնարավորությունը: Այս մասին հայտարարություն է տարածել Արաբական Հանրապետության արտաքին գործերի նախարարությունը։
«Եգիպտոսը հաստատում է, որ մտադիր է ներկայացնել Գազայի վերականգնման համապարփակ ծրագիր, որը կապահովի պաղեստինցիների՝ իրենց տարածքում մնալը և որը համապատասխան է հողի նկատմամբ իրենց օրինական իրավունքներին»,-ասված է ԱԳՆ-ի հատուկ մամուլի հաղորդագրության մեջ։ Նախարարությունը ապագա ծրագրի կամ դրա վերջնական տարբերակի հրապարակման ժամկետների մասին այլ մանրամասներ չի հայտնել։
Ավելի վաղ Հորդանանի արտաքին գործերի նախարար Այման աս-Սաֆադին կատարական «Ալ Ջազիրա» հեռուստաալիքին ասել էր, որ արաբական երկրները պատրաստ են այլընտրանք ներկայացնել Գազայի հատվածի վերաբերյալ ԱՄՆ նախագահ Դոնալդ Թրամփի ծրագրին։ Այդ ծրագիրը նախատեսում է պաղեստինյան անկլավի վերականգնում առանց բնակչության տեղահանման։ Նախարարի խոսքով՝ դա հնարավորություն կտա «վերջ դնելու հումանիտար աղետին»։
Հորդանանի թագավոր Աբդալլահ Երկրորդը երեքշաբթի օրը Սպիտակ տանը հանդիպել էր Թրամփին և վերահաստատել իր երկրի անսասան դիրքորոշումը Գազայից և Հորդանան գետի արևմտյան ափից պաղեստինցիների տեղահանման դեմ: Իր հերթին, ամերիկացի առաջնորդը հայտարարել է, որ ԱՄՆ-ը մտադիր չէ գնել Գազան, այլ նախատեսում է կառավարել անկլավը։
Հետևեք մեզ տելեգրամում
